الاوله لك قدر زايـد علـى النـاس
مايحسبونـه فالدفـاتـر بـالاقـلام
والثانية جبرك على العيـن والـراس
يمشي معي طـول الليالـي والايـام
والثالثه طبعـك مكـارم واحسـاس
يزهو مع الاعوام من عـام لا عـام
والرابعه ربي يصونـك مـن البـاس
وتعيش في راحة وفي خيـر وانعـام
والخامسه ماتضرب ارباع في اخماس
مقـدام بـن مقـدام والجـد مقـدام
والسادسة من جنس من خير الاجناس
يفخر بك الاخوال من قبـل الاعمـام
والسابعة مبناك مبني علـي السـاس
والصدق عنوانك تخطيـت الاوهـام
والثامنه لو دقت اجـراس واجـراس
انتـه معـي للمرجلـه درع وحـزام
والتاسعـة يابلبـل الشـوق لابـاس
احمل تحياتي مـع اخبـار واعـلام
والعاشرة وزع على ناس من نـاس
اجمل تهاني العيد ذا شـرط واللـزام
موضوع: قصيدة أصل العرب 
