قصيدة مواجع الزمان والغربه
عمري نثرته بغربتي حبر واوراق
كل حرف يسرق من حياتي ثواني
قدام عيني شفت الايام تنباق
منى وأنا لا زلت جالس مكاني
كم وجه ينساني بعد شوق واشواق
بكيت له ولا شفت احد بكاني
حتى الحبيب اللى له القلب يشتاق
لا غبت عنه ما سأل ونساني
عذاب وهموم ومعاناة وفراق
دمعى حويته وانتثر واحتواني
ظلام غربه ما بها شمس واشراق
و أحزان دنيا محتويها كياني
صفحة حياتي كلها اسرار واعماق
تحكى خفايا قصتي وانسجاني
يهيج بحر أحزاني السود وانساق
كني سفينه والمواجع مواني
احداث عمري ما بها زيف ونفاق
رويتها للناس شعر وأغاني
احيان اسهى وارجع احيان لا ضاق
صدري واقدم للسطور امتناني
تحياتي للجميع
موضوع: قصيدة مواجع الزمان والغربه 
